By Simanga Mtetwa
Inkantolo yamantji eTonga esigodzini seNkomazi igcine esitokisini umuntfu lomsikati loneminyaka lengemashumi lamatsatfu nesihlanu(35) budzala loboshwe ngemuva kwekutsatsa impilo yalona bekavana naye phambilini. Ntombifuthi Nkomo wasendzaweni yase Mzinti ugwaze wabulala Sipho Ngomane lebesekahlukene naye ngemuva kwekutsi Ngomane avakashele lapho lesingani sakhe besesihlala khona. Lesehlakalo senteke ngamhla titintsatfu 2 Impala , kantsi Ntombifuthi Nkomo bekavele kafishane enkantolo yamantji eTonga kuyomisa timbilapho nekutjela inkantolo ngaloko lokwentekile. Ngekwe mibiko levetwe maphoyisa Ngomane ufike wacela kuvulelwa kulendlu lapho Ntombifuthi ahlala khona nesingani sakhe ekuseni ngembulukusa , kusenjalo laba lababili babese baphambana ngemagama kwabese kuba ngulapho ke Ntombifuthi agcina sekagwaza Ngomane ngelithulusi lelicijile.
Kepha ke kwanyalo lomsolwa usagcinwe esitokisini , kantsi loku kute ngemuva kwekutsi abuyele kuyovela enkantolo yamantji eTonga ngamhla tisitfupha lapho bekayofaka sicelo sebheyili.
Nkomishana wemaphoyisa kulesifundza seMpumalanga Lieutenant General Semakaleng Manamela isigcekile lesento sekubulawa kwa Ngomane , Ngetulu kwaloko uphindze waveta nekutsi bulungiswa butawudlala indzima yabo ngaphandle kwekutsatsa luhlangotsi.
